Հայաստանը նոր խորհրդարան կ'ընտրէ. մեկնարկած է քուէարկութիւնը

Հայաստանի Հանրապետութեան մէջ ժամը 08:00-էն մեկնարկած է արտահերթ խորհդարանական ընտրութիւններու քուէարկութիւնը. ընտրատեղամասերը պիտի փակուին 20։00-ին: «Արմէնփրէս»-ի հաղորդմամբ՝ ընտրութիւններուն կը մասնակցի 25 քաղաքական ուժ՝ 21 կուսակցութիւն եւ 4 դաշինք:

Կուսակցութիւններն ու կուսակցութիւններու դաշինքները՝ ըստ քուէաթերթիկի համարներու հերթականութեն.

1. «Արդար Հայաստան» կուսակցութիւն
2. «Հայ Ազգային Քոնկրէս» կուսակցութիւն
3. «Քաղացիական պայմանագիր» կուսակցութիւն
4. «Զարթօնք» ազգային քրիստոնէական կուսակցութիւն
5. «Ազատութիւն» կուսակցութիւն
6. «Պատիւ ունեմ» դաշինք 
7. «Միասնական Հայրենիք» կուսակցութիւն
8. «Համահայկական ազգային պետականութիւն» (ՀԱՊ) կուսակցութիւն
9. «Լուսաւոր Հայաստան» կուսակցութիւն
10. «Մեր տունը Հայաստանն է» կուսակցութիւն
11. «Հանրապետութիւն» կուսակցութիւն
12. «Հայոց Հայրենիք» կուսակցութիւն
13. «Ազատ Հայրենիք» դաշինք
14. «Բարգաւաճ Հայաստան» կուսակցութիւն
15. Հայաստանի դեմոկրատական կուսակցութիւն
16. «5165 ազգային պահպանողական շարժում» կուսակցութիւն
17. «Քաղաքացու որոշում սոցիալ դեմոկրատական» կուսակցութիւն
18. «Շիրինեան- Պապաճանեան ժողովրդավարներու դաշինք» դաշինք
19. «Ազգային օրակարգ» կուսակցութիւն
20. «Վերելք» կուսակցութիւն
21. «Ազատական» կուսակցութիւն 

1. «Հայաստանի Եւրոպական» կուսակցութիւն
2. «Հայաստան» դաշինք
3. «Ազգային-ժողովրդավարական բեւեռ» կուսակցութիւն
4. «Ինքնիշխան Հայաստան» կուսակցութիւն

Ոստիկանութեան հրապարակած տուեալներու համաձայն՝ Հայաստանի Հանրապետութեան ընտրողներու ռեգիստրում ընդգրկուած ընտրողներու ընդհանուր թիւը 2 մլն 578 հազար 678 է։ Ընտրողներն ընտրատեղամասին մէջ պիտի ստանան մասնակցող քաղաքական ուժերու թիւին համապատասխան քուէաթերթիկներ, պիտի ընտրեն անոնցմէ միայն մէկը, դնեն ծրարի մէջ ու նետեն քուէատուփ: Ընտրողները քուէաթերթիկի վրայ գրիչով որեւէ նշում պիտի չկատարեն։

Արտահերթ խորհրդարանական ընտրութիւններու ելեկտրոնային եղանակով քուէարկութիւնը մեկնարկած էր 11 Յունիսին, աւարտած 13 Յունիսին: 

Հայաստանի մէջ ընտրութիւններու լուսաբանման համար հաւատարմագրուած են օտարերկրեայ 50 եւ տեղական 68 լրատուամիջոցներ: Դիտորդական առաքելութիւն կ'իրականացնեն միջազգային 8 եւ տեղական 19 կազմակերպութիւններ։ 

Հանրապետութեան ողջ տարածքին մէջ 38 ընտրատարածքներու մէջ կը գործէ 2008 տեղամաս։