Հայաստանի կառավարութիւնը պիտի ստանայ «Լիտիան Արմէնիայի» բաժնետոմսերու 12,5 տոկոսը
Ամուլսարի ոսկու հանքավայրի շահագործման դիմաց Հայաստանը պիտի ստանայ «Լիտիան Արմէնիա» ընկերութեան բաժնետոմսերուն 12,5 տոկոսը: Տեղեկութիւնը հաստատած են Տնտեսութեան նախարարութենէն:
Ազգային Ժողովին մէջ Տնտեսական հարցերու մշտական յանձնաժողովի նիստին ժամանակ տնտեսութեան նախարար Վահան Քերոբեան յայտնած է, որ «Լիտիան Արմէնիա» ընկերութեան հետ 250 միլիոն տոլարի պայմանագիր պիտի կնքուի: Ճշդող հարցին` արդեօք կառավարութիւնը 250 միլիոն տոլարով պիտի գնէ՞ այդ բաժնետոմսերը, Տնտեսութեան Նախարարութենէն պատասխանած են․ «Ոչ, կառավարութիւնը ոչ մի բան չի ծախսեր»:
Հայաստանի կառավարութիւնը 250 միլիոն տոլարի համաձայնագիր պիտի ստորագրէ «Լիտիան Արմէնիա» ընկերութեան հետ, որուն կը պատկանի Ամուլսարի ոսկիի հանքավայրի շահագործման արտօնագիրը: ՀՀ կառավարութեան, Եւրասիական Զարգացման դրամատան եւ «Լիտիան Արմէնիա» ընկերութեան միջեւ պիտի ստորագրուի Եռակողմ փոխըմբռնման յուշագիր: ՀՀ կառավարութեան կողմէ փաստաթուղթը պիտի ստորագրէ ՀՀ տնտեսութեան նախարար Վահան Քերոբեանը:
