Հայաստանի նախագահը եւ Սէուտական Արաբիոյ թագաժառանգը զրուցած են յարաբերութիւնները զարգացնելու մասին
Հայաստանի Հանրապետութեան նախագահ՝ Արմէն Սարգսեան Սէուտական Արաբիայէն աշխատանքային այցով ուղեւորուած է Արաբական Միացեալ Էմիրութիւններ, տեղեկացուցած է նախագահի գրասենեակը։
Սէուտական Արաբիոյ մայրաքաղաք՝ Ռիատի օդակայանը Հայաստանի նախագահին ճանապարհած է այդ երկրի արտաքին գործոց պետական նախարար՝ Ատէլ Ալ Ճուպէյրը, իսկ պաշտօնական արարողակարգի համաձայն՝ օդակայանը բարձրացուած է Հայաստանի պետական դրօշակը։
Նախագահը Հոկտեմբեր 26-ին աշխատանքային այցով մեկնած էր Սէուտական Արաբիա։
Նշելով, որ Հայաստան անկախութենէն ի վեր դիւանագիտական յարաբերութիւններ չունի Սէուտական Արաբիոյ հետ եւ Հայաստանէն որեւէ պաշտօնեայ երբեւիցէ չէ այցելած այդ երկիր, նախագահի գրասենեակը Արմէն Սարգսեանի այցը պատմական քայլ որակած էր ։
«Այս աննախադէպ իրադարձութիւնը միանշանակ շրջադարձային է Հայաստանի միջազգային յարաբերութիւններում», – պնդած էր նախագահականը։
