Հայաստանի տնտեսական աճը այս տարուան համար պիտի կազմէ 6 տոկոս. Նիկոլ Փաշինյան

ՀՀ կառավարութեան 1 Յուլիսի նիստի ընթացքին,ՀՀ վարչապետը պաշտօնակատար Նիկոլ Փաշինեան յայտարերց, որ Հայաստանը այս տարին պիտի փակէ 6 տոկոս տնտեսական աճով՝ գրեթէ երկու անգամ աւելի, քան կառավարութիւնը կը սպասէր անցեալ տարուայ վերջը՝ 3.2 տոկոս։

«2021 թուականի համար պիւտճէի նախագծով կանխատեսւում էր 3,2 տոկոս տնտեսական աճ, բայց գոհունակութեամբ պիտի նշեմ, որ յընթացս տնտեսական աճի կանխատեսումները վերանայւում են դէպի վերեւ: Եւ հիմա 2021 թուականի համար կանխատեսւում է 6 տոկոս տնտեսական աճ: Բայց կարեւոր է, որ մենք այդ ցուցանիշներին զուգահեռ բաւական յաջող, ինչպէս արդէն ասել եմ, իրականացնում ենք պետական պիւտճէի եկամտային մասի հաւաքագրումները, եւ այդ առումով ունենք կիսամեակի գերակատարում»--ըսած է ան:

Պետական եկամուտներու կոմիտէի նախագահ՝ Էտուարտ Յովհաննիսեանի խօսքով, այս տարուան առաջին կիսամեակին հաւաքուած է 750,2 միլիառ դրամ հարկ, մինչդեռ նախատեսուած էր 697,7 միլիառ դրամ։ Այսինքն՝ ՊԵԿ-ը կարողացած է ծրագրուածէն աւելի հաւաքել 52,5 միլիառ դրամ։

Գործադիրի նիստէն յետոյ Տնտեսական նախարարի պաշտօնակատար՝ Վահան Քերոբեան լրագրողներուն յիշեցուց, երկնիշ տնտեսական աճով տարին փակելու նախկին իր յայտարարութիւնները եւ ընդգծեց, որ նոյնիսկ 6 տոկոս տարեկան աճը բաւական պահպանողական է, եւ 2021 թուականին երկնիշ աճ ունենալը կը մնայ ծրագիրներուն:

Նշենք, որ անցեալ տարին, գլխաւորապէս պայմանաւորուած «Քորոնա» ժահրով եւ 44-օրեայ պատերազմով, Հայաստանը տնտեսութիւնը փակեց 7,4 տոկոս անկմամբ՝ առաջին անգամ նուազում գրանցելով 2009 թուականէն ի վեր։