Միջազգային հանրութեան այլ ընտրութիւն չի մնար, քան ճանչնալ Արցախի անկախութիւնը. ԱՄՆ ծերակուտական
ԱՄՆ-ի ծերակուտական Էտ Մարքին կրկին անդրադարձած է Ղարաբաղի մէջ ստեղծուած իրավիճակին ու հակամարտութեան սրման:
«Եթէ Ատրպէյճանը շարունակէ հակամարտութիւնը լուծելու համար անօրինական ռազմական ուժ կիրառելու փորձերը, միջազգային հանրութեան այլ տարբերակ չի մնար, քան Արցախի Հանրապետութեան անկախութիւնը ճանչնալը»,- նշած է ան:
«Թուիթըրի» իր էջին Մարքին դիմած է ԱՄՆ-ի պետական քարտուղար Մայք Փոմփէոյին՝ յորդորելով ջանքեր գործադրելու՝ Հայաստանի ու Ատրպէյճանի միջեւ կրակի անյապաղ դադարեցման հասնելու եւ խնդրի կարգաւորման բանակցութիւններու միջոցով հասնելու համար:
«Քանի որ Ատրպէյճանը կը շարունակէ հակամարտութիւնը ապօրինի ռազմական ուժի միջոցով լուծելու իր փորձերը, միջազգային հանրութեան այլ ընտրութիւն չի մնար, քան անցնիլ Արցախի Հանրապետութեան անկախութեան ճանաչման՝ կառուցողական բանակցութիւններու բացակայութեան պայմաններուն մէջ»,- ըսած է ծերակուտականը:
