Պատուաստուած քաղաքացիները կարիք չեն ունենար ճամբորդելու ժամանակ PCR քննութիւն յանձնելու. Նախարար
Յաջորդ շաբաթ փոփոխութիւն պիտի ըլլայ սահմանափակումներու որոշման մէջ. «Քորոնա» ժահրի դէմ պատուաստուած քաղաքացիները այլեւս կարիք չեն ունենար PCR քննութիւն յանձնելու երկրէն դուրս ելլելու կամ երկիր մտնելու համար: Այս մասին լրագրողներու հետ զրոյցի ժամանակ ըսած է առողջապահութեան նախարարի պաշտօնակատար Անահիտ Աւանեսեանը:
«Պատուաստումները կարեւոր քայլ են ձերբազատուելու սահմանափակումներից եւ վերադառնալու բնականոն կեանքին», -ըսած է Աւանեսեանը:
Յիշեցնենք, որ այս պահի դրութեամբ, 18-էն բարձր բոլոր քաղաքացիները կրնան պատուաստուիլ «Քորոնա» ժահրի դէմ՝ դիմելով տեղամասային առողջապահական կեդրոն (փոլիքլինիքա):
Անոնց համար հասանելի են AstraZeneca եւ Sputnik V պատուաստանիւթերը, բայց մօտ ապագային կը սպասուի նաեւ չինական պատուաստանիւթի մեծ խմբաքանակ, ինչպէս նաեւ բանակցութիւններ կը վարուին այլ պատուաստանիւթեր ձեռք բերելու մասին:
