168 ժամ է արդէն՝ մենք շրջափակման մէջ ենք. Կեանքը կը շարունակուի, մենք կ'երթանք առաջ. ԱՀ Պետնախարար
Image
168 ժամ է արդէն՝ մենք բլոկադայի (շրջափակման) մէջ ենք։ Կեանքը կը շարունակուի, մենք կ'երթանք առաջ, ոչ մէկ բան փոխուած է մեր որոշման մէջ: Այս մասին դիմատետրեան ուղիղ եթերի ժամանակ ըսած է Արցախի պետական նախարար Ռուբէն Վարդանեանը:
Ինչպէս նշած է Արցախի Հանրապետութեան պետական նախարարը, նախորդ օրը եղած է Մարտունի, մէկ օր առաջ՝ Մարտակերտ, իսկ այսօր պիտի այցելէ Ասկերան։ Ան որոշ մանրամասներ ներկայացուցած է Մարտունիի հանդիպումէն, որմէ ետք ուղիղ եթերն անսպասելի ընդհատուած է։
Աւելի ուշ յայտնի դարձած է, որ ընդհատման պատճառը համացանցային կապի անջատումը եղած է։
«Ուղիղ միացումը ընդհատուեց ինտերնետի (համացանցի) անջատման պատճառով։ Կը հանդիպենք վաղը»,- գրած է Վարդանեան:
