80 ռազմագերու առնչութեամբ ունինք անվիճելի ապացոյցներ, որ անոնք գերեվարուած են. այլ հարց է՝ այս պահուն ո՞ղջ են, թէ՞ ոչ. Սիրանուշ Սահակեան
Եւս 80 ռազմագերիի առնչութեամբ ունինք անվիճելի ապացոյցներ, որ անոնք գերեվարուած են: Այս մասին լրագրողներու հետ ճեպազրոյցի ժամանակ ըսած է Մարդու իրաւունքներու եւրոպական դատարանին մէջ Ատրպէյճանի մէջ գտնուող հայ ռազմագերիներու շահերու ներկայացուցիչ, իրաւապաշտպան Սիրանուշ Սահակեանը:
«Այլ հարց է՝ գերեվարումից յետոյ որքա՞ն ժամանակ են ողջ մնացել կամ արդեօ՞ք այս պահին ողջ են, այդ հարցում բաւարար ապացոյցներ չկան»,-աւելցուցած է Սահակեանը՝ ընդգծելով, որ պաշտօնապէս հաստատուած 45 ռազմագերիէն բացի եւս 80-ը պէտք է հայրենադարձուին:
«Թէ ինչու Ատրպէյճանը չի հաստատում, որ նաեւ հայրենադարձում լինի, կարող է երկու հանգամանքի արդիւնք լինել՝ նախ՝ քաղաքական, որ դրանով պատասխանատուութիւն չի ստանձնում նոր քանակի անձանց ճակատագրի համար, երկրորդ՝ գերեվարուած քաղաքացիական անձինք կամ ռազմագերիները ուղղակի խոշտանգուելով սպանուել են»,-ըսած է ան:
