Աշխարհի բաժակ. Հայկ Մ. Մարտիրոսեանի յաղթարշաւը կը շարունակուի

Սոչիի մէջ տեղի ունեցող աշխարհի ճատրակի բաժակի մրցաշարքին, Հայաստանի վերջին ներկայացուցիչ Հայկ Մ. Մարտիրոսեան (2648) վստահ յաղթանակով սկսաւ 1-8-րդ եզրափակիչ հանգրուանը:

Մարտիրոսեան, որ մրցեցաւ իրանցի Մամին Թապաթապայէի դէմ (2613), երէկ առաջին դասական մրցումին սեւ քարերով յաղթանակ մը արձանագրեց 61-րդ շարժումին:

Այսօր` երկուշաբթի, 26 Յուլիսին անոնց միջեւ տեղի պիտի ունենայ երկրորդ դասական մրցումը:

Քառորդ աւարտականի իր տոմսը ապահովելու պարագային, հայրենի կրանտմասթըրին մրցակիցը պիտի ըլլայ Վլատիմիր Ֆետոսէեւ (Ռուսիա, 2696)-Վելիմիր Իվիչ (Սերպիա, 2581) մրցումին յաղթականը: