Արթուր Ալեքսանեան Եւրոպայի ախոյեանի կոչման համար պիտի պայքարի

2020-02-12

Ողիմպիական ախոյեան, աշխարհի եռակի, Եւրոպայի քառակի ախոյեան 97 քկ քաշային Արթուր Ալեքսանեանը անցաւ Եւրոպայի առաջնութեան եզրափակիչ:

«Արմենբրես»-ի հաղորդմամբ` Հռոմ քաղաքին մէջ ընթացող Եւրոպայի առաջնութեան  60 քկ քաշային Գէորգ Ղարիպեանը անցաւ եզրափակիչ, ուր պիտի մրցի Թուրքիան ներկայացնող Քերեմ Ճամալի հետ:

82 քկ քաշային կարգի Ռուբէն Ղարիպեանը քառորդ եզրափակիչին  5:3 հաշուով զիջած է Իտալիան ներկայացնող Չիրո Ռոսոյին:

97 քկ քաշային կարգի կիսաեզրափակիչին Արթուր Ալեքսանեանը մրցած է Ֆինլանտայէն Մաթի Էլիաս Քուոսմանէնի հետ: Ալեքսանյանը յաղթանակ տօնեց 8:1 հաշուով: Հայ ըմբիշը պիտի մրցի Եւրոպայի ախոյեանի կոչման համար:

Աւելի վաղ` պայքարէն դուրս մնացած էր 72 քկ քաշային Մալխաս Ամոյեանը, որ մեկնարկային գօտեմարտին տանուլ տուած էր:

Եւրոպայի այս առաջնութիւնը վարկանիշային չէ Թոքիոյի Ողիմպիական խաղերու համար: