Ծանրորդ Կարէն Աւագեանը դարձաւ Եւրոպայի ախոյեան, Անդրանիկ Կարապետեանը երրորդն է
Հայաստանի ծանրաբարձութեան տղոց հաւաքականի անդամ Կարէն Աւագեանը դարձաւ Եւրոպայի առաջնութեան ախոյեան, իսկ Անդրանիկ Կարապետեանը զբաղցուց երրորդ տեղը:
«Արմէնփրէս»-ի հաղորդմամբ` Մոսկուայի մէջ տեղի ունեցող Եւրոպայի ախոյեանութեան տղամարդոց 89 քկ քաշային դասակարգի մրցումներուն Հայաստանէն մասնակցող Անդրանիկ Կարապետեանի պոկում վարժութեան առաջին երկու մօտեցումները յաջող էին` 165 քկ եւ 170 քկ: Սակայն ան չէ յաջողած բարձրացնել 175 քկ-ը: Կարապետեանը այս արդիւնքով դարձաւ Եւրոպայի առաջնութեան փոքր պրոնզէ մետալակիր: Հայաստանի միւս մասնակից Կարէն Աւագեանը անսխալ կատարած է իր բոլոր երեք մօտեցումները (165 քկ, 170 քկ, 175 քկ) եւ նուաճած փոքր ոսկեայ մետալ:
Հրում վարժութեան մէջ Կարապետեանը գլուխէն վեր պահած է 195 քկ, այնուհետ չէ բարձրացուցած 200 քկ եւ 205 քկ-ը: Այս վարժութեան ժամանակ Կարէն Աւագեանը հրած է 200 քկ, սակայն չէ կրցած բարձրացնել 204 քկ-ը:
Երկամարտի 375 քկ արդիւնքով Աւագեանը դարձած է Եւրոպայի ախոյեան, երկրորդ տեղը զբաղցուցած է վրացի Ռեւազ Դաւիթաձէն, իսկ 365 քկ արդիւնքով Անդրանիկ Կարապետեանը երրորդն է Եւրոպայի առաջնութեան:
Այստեղ պէտք է նշել, որ Եւրոպայի այս ախոյեանութիւնը վարկանշային է Թոքիոյի ողիմպիական խաղերուն համար:
