ՀՖՖ-ի նախագահ ընտրուեցաւ Արմէն Մելիքբեկեանը

ՀՖՖ անդամներու արտահերթ ժողովի պատուիրակներու կողմէ Հայաստանի ֆութպոլի ֆետերացիայի նախագահ ընտրուած է Արմէն Մելիքբեկեանը:

ՀՖՖ նախագահի թեկնածուներէն Արմէն Մելիքբեկեանի օգտին քուէարկած էր 13 պատուիրակ, Թովմաս Գրիգորեանի օգտին՝ 7: Անվաւեր ճանչցուած է 3 քուէաթերթիկ:

ՀՖՖ ժողովի 25 պատուիրակներէն ընտրութեան մասնակցած են 23-ը: Մէկ պատուիրակ ներկայ չէր ժողովին, մէկ պատուիրակ ալ չունէր համապատասխան անձը հաստատող փաստաթուղթ:

ՀՖՖ նախագահի ընտրութեան յաջորդած է ՀՖՖ գործադիր կոմիտէի 16 անդամներու ընտրութիւնը, որու կազմէն ալ ՀՖՖ նախագահի առաջարկութեամբ պիտի ընտրուի ֆետերացիայի փոխնախագահ:

Յիշեցնենք, որ 21 նոյեմբերին ՀՖՖ նախագահ Արթուր Վանեցեանը եւ ՀՖՖ գործադիր կոմիտէի անդամները հրաժարական տուած էին։

Նշենք, որ ՀՖՖ նոր նախագահի պաշտօնին առաջադրուած էին 3 թեկնածու՝ Թովմաս Գրիգորեանը, Արմէն Մելիքբեկեանը եւ Խորէն Յովհաննիսեանը։ Վերջինս, սակայն, օրերս յայտ ներկայացուցած էր՝ չեղարկելու իր թեկնածութիւնը։