«Երգող Արցախ» խորագիրով մանկապատանեկան ծրագիր՝ Ստեփանակերտի մէջ

26 Յուլիսէն մինչեւ 31 Օգոստոսը ներառեալ, Ստեփանակերտի մէջ պիտի իրակնացուի «Երգող Արցախ» խորագիրով համաարցախեան մանկապատանեկան երգչախմբային ծրագիր, որուն աւարտին երգչախումբը հանդէս պիտի գայ համերգով: Այս մասին կը տեղեկացնէ «Մշակութային Արցախ»-ի Facebook-ի էջը։

Ծրագիրին կրնան մասնակցիլ 10-15 տարեկան երաժշտական լսողութիւն ունեցող երեխաներ և պատանիներ:

Ծրագիրին մէջ ընդգրկուելու համար՝ 26 Յուլիսէն 6 Օգոստոս, ժամը 10:30-ին անհրաժեշտ է ներկայանալ Ստեփանակերտի Սայաթ-Նովայի անուան երաժշտական քոլէճ:

Ծրագիրը պիտի տեւէ մէկ ամիս, ամէն օր առաւօտեան ժամը 11:00-13:00, բացառութեամբ՝ Շաբաթ եւ Կիրակի օրերուն:

Ծրագրի ղեկավարն է՝ Շուշիի Վարանդա մանկական, պատանեկան եւ երիտասարդական պետական երգչախումբի գեղարուեստական ղեկավար եւ խմբավար՝ Զաքար Քեշիշեան: