Էրտողանն ընդունած է Պոլսոյ Հայոց պատրիարք Սահակ Երկրորդը
Image
Մամուլին համար փակ եղած հանդիպումով մը, Թուրքիոյ հանրապետութեան նախագահ Ռեճէպ Թայէպ էրտողան ընդունած է Սահակ Բ. Պատրիարք Մաշալեանը։
Այս մասին լուրը տրուած է Էրտողանի «Թուիթըր»եան պաշտօնական էջը։
Նշենք, որ Սահակ եպս. Մաշալեանի Էրտողանի հետ երէկ տեղի ունեցած հանդիպումը, առաջինն էր անոր Պատրիարք ընտրութենէն ասդին։
Պատրիարք հօր, որպէս գաւազանակիր ընկերակացած է Պոլսոյ Կրօնական Ժողովի ատենապետ Տ. Թաթուլ ծ.վրդ Անուշեանը։
Յիշեցնենք, որ Սահակ եպս. Մաշալեան Պոլսոյ Պատրիարք ընտրուած էր անցնող դեկտեմբեր ամսուան 11-ին, մեծ առաւելութիւն մը գրանցելով իր մրցակից Տ. Արամ արք. Աթէշեանին դէմ։
