Ընկ. Յակոբ Անդրէասեան այցելեց Ամեն. Տ. Նուրհան Պատրիարքին

Երեքշաբթի 1 Փետրուար 2022ին, Երուսաղէմի Հայոց պատրիարքարան այցելեց ՌԱԿ Կեդրոնական Վարչութեան Փոխատենապետ՝ Ընկ. Յակոբ Անդրէասեան եւ հանդիպում ունեցաւ Պատրիարք՝ Ամենապատիւ Տ. Նուրհան Արքեպիսկոպոս Մանուկեանի հետ: 

Հանդիպման ընթացքին արծարծուեցան սաղիմահայ գաղութը յուզող հարցեր. Ընկ. Անդրէասեան նաեւ հաղորդեց Յունիս ամսուն նախատեսուած Երեւանի մէջ կայանալիք ՌԱԿ-ի 100-ամեակի նուիրուած միջոցարումներու մասին։

Ընկեր Անդրէասեան Պատրիարք հօր փոխանցեց ՌԱԿ Կեդրոնական Վարչութեան եւ Ատենապետ՝ ընկեր Մայք Խարապեանի ողջոյնները։ Մօտ մէկ ժամ տեւած հանդիպումը անցաւ շինիչ եւ սիրալիր մթնոլորտի մէջ։