Թուրքիոյ նոր երկրաշարժի հետեւանքով վնասուած է Վաքըֆլըի հայկական եկեղեցւոյ զանգակատունը
![](/sites/default/files/2023-02/332647006_1569783093468047_950406844267504598_n.jpg)
Թրքական Հաթայ նահանգին մէջ, 20 փետրուարին գրանցուած 6,4 եւ 5,8 ուժգնութեամբ երկրաշարժերու հետեւանքով զգալիօրէն վնասուած են Թուրքիոյ միակ հայկական գիւղի՝ Վաքըֆլըի շէնքերն ու շինութիւնները։ Մարդկային կորուստներ չկան։
Ինչպէս հաղորդած է «Արմէնփրէս»-ը, Պոլսոյ Հայոց պատրիարքարանէն յայտնած են, որ վնասուած է գիւղի հայկական Սուրբ Աստուածածին եկեղեցւոյ զանգակատունը եւ պատերը։ Վնասներ կրած է նաեւ նախկին հիւրանոցի պատը։